SEARCH ENGINE OPTOMIZATION KYA HAI STEP BY STEP | https://premdhruv.com

SEARCH ENGINE OPTOMIZATION KYA HAI STEP BY STEP

SEARCH ENGINE OPTOMIZATION KYA HAI STEP BY STEP

search engine optomization kya hai. Blog ya website me seo ki kya bhumika rahti hai aaj ham is post me aapko step by step batayenge. Blog contant ko behtar banane ke liye search engine optomization ek esa process hai jiski help se ham apni website/blog ko google me rank kara sakte hain. search engine optomization me itni sari activities hoti he jinko apne blog me lagu karke apni website ka ranking badha sakte hain. jyada jankari ke liye yanha clic kare.

SEARCH ENGINE OPTOIZATION KIS LIYE JARURI HAI

Aaj is internet yug me bahut si websites hain jinka jyadatar upyog business ko promote karne ke liye hota hai. har kisi ke pass website hona koi badi baat nahin hai. Par website ka seo friendly hona bahut jaruri hai  uske sath SEARCH ENGINE OPTOMIZATION me submit jaruri hai. Google search engine kyon jaruri hai aaj mai step by step bataunga. Aaj ka yug online business ka yug hai. apne business ko badhana hai to uske liye website honi chahye. Aap ke pass ek website hai ye koi badi baat nahin hai, ye mai aapko pahle bhi bata chuka hun. website ki google me ranking bhi honi chahiye. rank ke bina website ka koi arth nahin rahta. website ko google me rank karane ke liye SEARCH ENGINE OPTOMIZATION ki help leni chahiye. search engine optomization ko ham active kar lete hain to blog par traffic kai guna badh jata hai.

SEARCH ENGINE OPTOMIZATION KYA HAI -PROCESSING OF SEARCH ENGINE

Samanya tor par seo 2 prakar ka hota hai. (1) ON PAGE SEO (2) OFF PAGE SEO aaj ham in dono hi seo ke bare me vistar se baat karenge.

ON PAGE SEO KYA HAI:-

On page seo ek esi process hai jiski help se ham apni website ko google ke niyamon ko dhyan me rakhkar achhi tarah se rank kara sakte hain. apni website ko google me top par lane ke liye ON PAGE SEO mahatvapurn bhumika nibhata hai. on page seo ki help se ham website ko saf sudhra banate hain. jiske karan google hamari website ko achhe se read kar sakta hai . jiske karan hamari website google me jaldi se index ho jati hai ,jisase website ki ranking kaawebsite par bahut sari traffic aane lagti hai. ab ham bat karenge on page seo ko behtar banane ke liye hame apni website par kya kya dhyan rakhna padta hai.

1. SPEED OF WEBSITE :-

aap sabhi ko pata hona chahiye ki website ki speed kitni honi chahiye. samanya rup se website ki speed 1-2 second honi chahiye jo achhi speed mani jati hai. 3-5 second ke bich hai to aapki website thik hai. website ki speed 5-10 second hai to improvement karna hoga. yadi 10 second se jyada hai to turant action le aur speed ko thik kare.

2. WEBSITE KI SLOW SPEED KA KYA KARAN HAI

Jab ham apni website ke blog me bahut sari faltu ki images vah badi size ki images laga dete hain to speed bahut hi Dawn ho jati hai. atah contant me utni hi image lagaye jitni ki jaruri hai. iske alava contant me java script v html code ka upyog n kare.kyon ki java script aur html code website ki speed ko bahut had tak slow kar dete hain. jiske karan search engine optimize par asar padta hai.

3. POST KA TITAL BADHIYA HONA CHAHIYE

Jab bhi ham koi content likhte hai to sabse pahle hame ek achha sa tital choose karna chahiye. kyon ki tital ke bina post kisi bhi kam ki nahin hai. isliye post ke liye behtarin tital hona bahut jaruri hai. iske alava tital me ek keyword hona bhi bahut jaruri hai. kyon ki keyword se hi google ko pata chalta hai, ki post kis bare bhi likhi gai hai. post tital me keyword ka upyog baar baar nahin karna chahiye.

4. META DISCRIPTION

Meta description me, post ke baare me short me ye batana hota hai ki post kis bare me hai. meta description me main keyword ek baar jarur likhna chahiye. kyon ki meta description se google ko pata chalta hai ki post kis baare me likhi gai hai.

5. KEYWORD

Aap koi bhi post likhte hai usme keyword ka hona bahut jaruri hai. first paragraph me kam se kam focus keyword ko 2 baar jarur repeat kare. post me keyword 2.5% density hona chahiye isase adhik hone par google aapki post ko samajh nahin pata jiski vajah post rank nahin kar pati hai jiske karan search engine optomization par viprit prabhav padta hai.

6. HIDDEN POST

Aapki website par kisi prakar ki hidden post nahin honi chahiye. kai blogger post ko rank me lane ke liye post ko hide kar dete hai. Jisase search engine par bura asar hota hai.

7. IMAGE ALTER TAG

Bahut se longon ko alt tag ke bare me bilkul pata nahin hota. dosto image alt tag lagana bahut jaruri hota hai. jab google search karta hai to image ke alt tag ko sabse pahle read karta hai. jisase google ko ye pata chalta hai ki image kis bare me hai. isliye alt tag me hamesha jis par bhi post likhi ja rahi hai uska naam likhna chahiye. jaise ki aap post atal bihari vajpayee par likh rahe hain to us image ke alt tag me atal bihari vajpayee likhna hoga. image me naam likhne se google read kar leta hai ki post kis bare me hai.

8. URL SPAST LIKHE

Aap ki post ka url search engine optomization me ranking ke liye jimmedar hota hai. atah url ko spast likhe jisase ki google use asani se samajh sake aur use rank kar sake.

9. APANI ANYA POST KA LINK POST ME LAGAYE (INTERNAL LINK)

Jo post aap likh rahe hain usme aap aapki anya post ka link lagane se aapke blog ka traffic badhta hai. atah internal link avasya lagaye. ek post me panch  se jyada link n lagaye. kyon ki jyada link lagane se aapka subscriber ulajh jayega. isliye milti julti post ka hi link lagayen.

10. KEYWORD KO BOLD KARE

Apni post me jo bhi keyword use kiye gaye hain use bold karne se google samajh jata hai. Ki ye focus keyword hai. keyword hamari post ko rank me le jata hai.

11. WEBSITE LOOK

Bahut kuchh log hain jo website ke look par bilkul dhyan nahin dete. website ka look badhiya aur seo friendly hona chahiye. website me badhiya theme ka use kare. ho sake to paid theme ka use kare. paid theme seo friendly hoti hai jo fast ranking me help karti hai. website me font thode bade hone chahiye jisase koi bhi samajh jaye. website ko actrective banane ke liye ye sab karna bahut jaruri hai.

12. G-ZIP COMPRESSION

Website ki loading speed ghatane ke liye G-ZIP compression ka istemal karna chahiye. G-ZIP website ke data ko compress karta hai jisase website par load kam padta hai. aur website ki speed 2 guni badh jati hai. G-ZIP se website me lage html, java script ,css jaise codes ko compress karne chhamta hai.

13. MOBILE FRIENDLY WEBSITE

Dosto website ko ham desktop pe achhi tarah padh sakte hain. usi prakar se mobile par bhi koi visiter asani se read kar sake uske liye hame responsive website banani chahiye. aaj ke mobile yug me har vyakti mobile se hi website ko jyada search karta hai. isliye website mobile me sahi tarike se khul sake aur mobile ke dhanche me dhal jaye esi mobile friendly website banani chahiye. jisase visiter ko bilkul bhi taklif n ho.

14. HEADING H1 H2 H3 H4 H5 H6

wordpress Website me heading H1 H2……. etc. payi jati hai jisaka prayog kramsah karna chahiye. jaise ki pahle H1 fir H2 fir H3 is prakar se upyog me lena chahiye. n ki H3 fir H2 fir H1 is prakar se heading html tag ka upyog n kare. is prakar se heading ka upyog jo log karte hain unhe ranking me bahut si dikkat aati hai.

15. POST KI LAMBAI (POST LENGTH)

Post ki lambai kamse kam three hundred word honi chahiye. average post ki length one thousand word honi chahiye. Aap ten thousand word se bhi lambi post likh sakte ho. lekin vahi likhe jo post ka tital hai, faltu me lambi post likhne se kuchh nahin hoga. aap ki post jitni lambi hogi utni hi jyada search engine optimize me rank karegi

16. SITEMAP BANAYE

Sitemap ek prakar se site ka map hai. isme blog ki sabhi file store hoti hai.google crowler jab bhi sitemap ki file sitemap.xml ko read karta hai to use website ke sabhi data mil jate hain. jisase google ko read karne me koi taklif nahin hoti. isliye har website ke liye sitemap bahut jaruri hota hai.

SEARCH ENGINE OPTOMIZATION KYA HAI STEP BY STEP

Dosto search engine optomization ke liye on page seo ki kya bhumika hai yah aapne abhi tak is post me padha hai. ab ham bat karenge off page kya hota hai.off page seo ke bare me bahut se blogger pahle se hi jante hai. lekin kuchh new blogger ke liye ye post bahut hi khas hai. isliye is post ko pura padhe.

OFF PAGE SEO KYA HAI

Dosto off seo par dhyan kendrit kare to pata chalta hai ki off page seo  back link par nirbhar karta hai. aap jitni jyada aur quality backlink banate hain vah search engine optomization ko behtar banata hai. backlink ek esi link hoti hai  jo aapki website ko google me rank karane me help karti hai. ab ham bat karenge off page seo me kya kya jaruri hai.

1. WEBSITE KO SABHI SEARCH ENGINE ME SUBMIT KARE

Sabse pahle aapko apni website ko sabhi search engine jaise ki google, yahoo, Bing, yandex, ask.com aur bhi bahut sare search engine hain jinme aapko apni website ko submit karni hogi. jisase search engine aapki website ko ranking me la sake.

2. POST ME KEYWORD PAR DHYAN KENDRIT KARE.

Jab aap post likh likhte hain tab first paragraph me kam se kam do keyword jarur use kare. baki ki post me bhi thoda keyword ka use kare. aapko yad rahe main tital me ek keyword jarur dale. aapki puri post keyword par nirbhar karti hai.

3. APNI WEBSITE KO BEST DIRECTORY ME SUBMIT KARE

Apni website ko best directory website par submit karen. jaise ki via search aur d’moz jaise directory me submit kare. yanha se aapko behtarin backlink milenge.

4. GOOGLE PLUS

Google plus organic traffic ke liye badhiya option hai. google plus par account banaye aur apni post share kare. google plus par bahut se group bane huye hain unme join kare aur post ko share kare. google plus me community ke option me jaye aur bahut se group me join kare. google plus  se behtarin backlink bana sakte hain.

4. TWITER PAR ACCOUNT BANAYE

Social media me TWITER ka naam kafi charchit hai. vanha ja kar account banaye aur friends ko badhaye. TWITER se aap ko badhiya traffic milega. iske alava backlink bhi banenge.

5. FACE BOOK PAGE BANAYE

Facebook ka naam aaj kon nahin janta face book social media ka sabse bada network hai. Facebook par jaye aur facebook page banaye. facebook page se badhiya traffic aur backlink milega.

6. YOUTUBE CHANEL

Google me jakar youtube par apni chanel banaye. apni website ke bare me video banakar apni website ka advertisement kare. website ka link description me dale. youtube traffic ke liye bahut hi badhiya plateform hai. youtube se aapke website ki traffic badhegi.

7. TUMLER, PRINREST, QUORA, JAISI WEBDITE PAR ACCOUNT BANAYE.

TUMLER, QUORA, PRINREST jaisi website se aapki website ko kafi trafic milega. iske alava aur bhi bahut sari website hain jin apni website ko share kare.

8. OLX, QUIKER PAR ACCOUNT BANAYE

Olx, QUIKER par account banakar apni website ka advertisement kar sakte hai. yanha se aapko bharpur traffic mil sakta hai. jisase search engine optomization me help milegi.

9. DUSARON KI WEBSITE PAR COMMENT AVASYA KARE

Backlink banane ke liye dusaro ke blog par jakar comment karen evam apni website ka link bhi comment me dale. jisase aapko jabardast traffic milega aur bahut hi strong backlink banega.

10. ACHHE BLOG PAR GUEST POST LIKHEN.

Traffic badhane ka sabse badhiya tarika guest post hai. aap kisi bhi achhe traffic wali website par guest post dale jisase traffic ki samsya se thoda fayda hota hai aur majbut backlink banta hai.

11. POST KO HAMESHA SHARE KARE

Aap ki post ko hamesha share ke option par jakar hi share karni chahiye. directly copy past n kare. post ko hamesha share kare. share karne se backlink banta hai. backlink ka matlab hai  search engine optomization se sidhe sidhe judna.

SEARCH ENGINE OPTOMIZATION KYA HAI STEP BY STEP

Dosto seo ke bare me aapne ye post padh li hogi aur aapko samajh aa gaya hoga ki search engine optimization kya hai. aur yadi koi problem ho to comment jarur kare jisase me aapko explain kar sakun.

LAST WORD

Mujhe asha hai ki aapko ye post pasand aayi hogi. post ko share kare, subscribe kare.

APNI WEBSITE KA SEO KAISE KARE

IMAGE KA SEO KAISE KARE

SEARCH ENGINE OPTOMIZATION KYA H

WORDPRESS IS BETTER THAN BLOGGER

BLOGGER TO WORDPRESS ME TRANSFER KARE

Dhanyawad.

Dharmesh rajput (admin )

 

 

One Comment

Leave a Reply

This site uses Akismet to reduce spam. Learn how your comment data is processed.